Трохкаляровая котка Зорачка знайшла гаспадароў праз «Нашу Ніву» ФОТА
Добры дзень! Ад усёй душы хачу падзякаваць усім, хто адгукнуўся на маю аб'яву. Вас было вельмі шмат. Цяжка было прыняць рашэнне, бо ўсе лісты былі напісаны з вялікай любоўю.
Пасля доўгіх роздумаў Зорачку аддалі маладой сям'і, якая жыве разам з бацькамі, таму цяпер у яе чатыры клапатлівыя нянькі! Яны жывуць у Зялёным Лузе, малады гаспадар працуе на Мінскім вагона-рамонтным заводзе, завуць Віктар і цяпер толькі ад яго залежыць, ці стане наша Зорачка зоркай інстаграма!