Сусветны банк выдзяляе Беларусі $125 мільёнаў на мадэрнізацыю сістэмы аховы здароўя
Сусветны банк ўхваліў выдзяленне Беларусі пазыкі ў памеры 125 млн долараў на рэалізацыю праекта мадэрнізацыі сістэмы аховы здароўя.
Грошы пойдуць на ўдасканаленне медыцынскай дапамогі нованароджаным, стварэнні сістэмы электроннай аховы здароўя і ўкараненні сістэмы падтрымкі клінічных рашэнняў. Праект будзе таксама спрыяць павышэнню ўзроўню адукацыі работнікаў аховы здароўя па вядзенні неінфекцыйных захворванняў.
Беларусь стала членам Сусветнага банка ў 1992 годзе. За час супрацоўніцтва краіне былі выдзеленыя крэдытныя рэсурсы ў памеры $1,7 мільярдаў.