Першы намеснік мэра Гомеля таямніча сышоў у адстаўку
З сайта Гомельскага гарвыканкама знікла інфармацыя пра першага намесніка старшыні. Да апошняга часу на гэтай пасадзе працаваў Павел Паўлаў. У прыёмнай гарвыканкама пацвярджаюць, што ён больш не працуе.
Чуткі звязваюць адстаўку чыноўніка з тым, што ён нібыта трапіўся п'яным за стырном.
Раней Паўлаў быў намеснікам старшыні Кармянскага райвыканкама.