Прадстаўнік Дзярждэпартамента ЗША наведвае Беларусь
Новы кіраўнік аддзела Усходняй Еўропы Дзярждэпартамента ЗША Джорган Эндрус 28—30 лістапада знаходзіцца з візітам у Беларусі, паведамілі ў пасольстве ЗША ў Мінску.
У праграме візіту Эндруса — сустрэча з прадстаўнікамі ўладаў, апазіцыйных партый, няўрадавых арганізацый і СМІ.
Як паведамляе сайт АГП, 30 лістапада Эндрус сустрэнецца з ганаровым старшынёй АГП Станіславам Багданкевічам і дэпутатам Палаты прадстаўнікоў Ганнай Канапацкай.