Больш за 3 тысячы ўкраінскіх сілавікоў загінулі на Данбасе з 2014 года
Фота Аляксандра Васюковіча, Tut.by
Начальнік генштаба ўзброеных сіл Украіны Віктар Мужэнка ў інтэрв'ю Парламенцкаму выданню «Голас Украіны» назваў апошнія дадзеныя пра страты, якія панеслі вайскоўцы ды іншыя ўкраінскія сілавікі за ўвесь час баявых дзеянняў на ўсходзе краіны, паведамляе Бі-бі-сі.
Па словах Мужэнкі, з пачатку правядзення аперацыі загінулі 3 064 чалавекі «ад усіх сілавых структур», з якіх 2 636 — вайскоўцы узброеных сіл Украіны, прычым «з гэтага ліку 2 148 - гэта баявыя страты». Раненні атрымалі 10 753 сілавікі, з іх 8 897 — вайскоўцы.