Гледачы мінскага канцэрта гурту «Океан Ельзи» змогуць даехаць да метро бясплатна
У беларускай сталіцы ўжо 10 снежня адбудзецца канцэрт групы «Океан Ельзи». Па заканчэнні канцэрту пяць аўтобусаў бясплатна давязуць наведвальнікаў канцэрту ад «Мінск-Арэны» да станцыі метро Няміга, паведамляе БелТА.
У «Мінск-Арэну» на канцэрты праходзяць тысячы людзей. Каб зрабіць праезд прыхільнікаў гурта «Океан Ельзи» больш камфортным, будуць арганізаваныя дадатковыя аўтобусныя рэйсы.
Для стварэння асаблівай атмасферы ў аўтобусах будуць гучаць найлепшыя кампазіцыі ўкраінскай рок-групы.
Арганізатар акцыі — радыё Unistar 99,5, якое з'яўляецца інфармацыйным партнёрам канцэрта «Океана Ельзи» ў Мінску.