Брытанскія вайскоўцы трэніруюцца абараняць Эстонію ад Расіі
«Нашы хлопцы рыхтуюцца сустрэць Пуціна ў Эстоніі», — піша брытанская Daily Mail пра вучэнні брытанскай арміі на палігоне каля брытанскага Солсберы.
У вучэннях бралі ўдзел падраздзяленні і цывільныя кантрактнікі, якія павінны былі імітаваць расійскую армію - у прыватнасці былі задзейнічаныя танкі Т-72 і Т-55, групы жаўнераў у блакітнай і шэрай уніформе з аўтаматамі АК-74.
«Ідэя — сімуляваць элементы расійскай інвазіі ва Усходнюю Украіну ў 2014 годзе», — сказаў газеце прадстаўнік Мінабароны.
dailymail.co.uk
Наступ танкаў і пяхоты праціўніка быў сустрэты верталётамі Apache, ударамі самалётаў Tornado, танкамі Challenger, баявымі машынамі пяхоты Warrior.
Частка ўдзельнікаў вучэнняў хутка адправіцца ў Эстонію ў якасці элемента шматнацыянальнага кантынгенту НАТА.