Даклад Макларэна: да допінг-скандалу датычныя больш за тысячу расіянаў
Больш за тысячу расійскіх спартсменаў па летніх, зімовых і паралімпійскіх відах спорту былі наўпрост задзейнічаны ў маніпуляцыях з допінгам ці выйгралі ад іх, гаворыцца ў другой частцы даклада канадскага юрыста Рычарда Макларэна, якую ён падрыхтаваў для Сусветнага антыдопінгавага агенцтва.
AP
Эксперты ў другім дакладзе пацвердзілі падмену допінг-пробаў расійскіх спартсменаў на Алімпійскіх гульнях у Сочы ў 2014 годзе.
Аднак, на думку Макларэна, тэхнікі падмены спроб і ўтойвання допінгу пасля Сочы сталі звычайнай практыкай для Маскоўскай антыдопінгавай лабараторыі і выкарыстоўваліся ў шматлікіх летніх і зімовых відах спорту.
Першую частку дакладу Макларэн прадставіў 18 ліпеня.
Следчы камітэт Расіі ў чацвер абяцаў правесці праверку довадаў, выкладзеных у дакладзе Макларэна пра ўжыванне допінгу ў Расіі.
У першай частцы дакладзе ВАДА гаворыцца пра тое, што ў Расіі была створана цэлая сістэма па ўтойванні станоўчых допінг-пробаў расійскіх спартсменаў.