Давыдзька ў «Клубе рэдактараў»: Дзейнасць Рассельгаснагляду — гэта практычна санкцыі супраць Беларусі
Галоўнай медыйнай тэмай падчас тэлепраграмы «Клуб рэдактараў» у суботнім эфіры канала «Беларусь 1» Генадзь Давыдзька назваў неабгрунтаваныя прэтэнзіі расійскіх чыноўнікаў да якасці беларускіх прадуктаў харчавання.
Беларускае малако ў маскоўскім супермаркеце. Фота FotograFF з сайта tvc.ru.
Ён задаў пытанне, чаму Беларусь, якая на фоне санкцыйнай палітыкі ў адносінах Расіі з Захадам закрыла харчовую праблему ўсходняй суседкі, сёння павінна пакутаваць ад санкцый. «Таму што тое, што робіць Рассельгаснагляд — гэта практычна санкцыі Расіі супраць Беларусі», — цытуе Генадзя Давыдзьку агенцтва БелТА.
Ён прапануе ўвесці ў абарот тэрмін «данквертызацыя рынку», які б азначаў выцясненне якаснай прадукцыі ва ўгоду чыім-небудзь інтарэсам.
Прэтэнзіі кіраўніка Рассельгаснагляду Сяргея Данкверта тычыліся рээкспарту праз Беларусь санкцыйных прадукцыі з ЕС і якасці беларускага малака.