Вікторыя Азаранка нарадзіла хлопчыка
Аб нараджэнні сына алімпійская чэмпіёнка і экс-першая ракетка свету Вікторыя Азаранка паведаміла ў Instagram 20 снежня ў 5.10 па беларускім часе.
- Сёння ў мяне быў цяжкі бой і мая самая лепшая перамога! Наш сын нарадзіўся здаровым і шчаслівым. Так ўдзячная і шчаслівая! Дзякуй, — напісала тэнісістка.
Роды прайшлі ў ЗША. Пра тое, што Вікторыя чакае дзіця, стала вядома 15 ліпеня. Яна прапусціла некалькі тэнісных турніраў, а таксама Алімпійскія гульні ў Рыа.
Сваім маладым чалавекам Вікторыя называе амерыканца Уільяма Маккега. З пачатку мінулага года ён суправаджаў беларуску на ўсіх турнірах.