Кірыла Сілівончык вярнуўся ў Беларусь пасля зняволення ў Расіі
Тэрмін зняволення беларуса Кірылы Сілівончыка, які быў асуджаны ў Расіі да двух гадоў калоніі-пасялення за размяшчэнне антырасійскага запісу Укантакце, скончыўся 16 снежня. У сераду, 21 снежня, Сілівончык вярнуўся ў Беларусь.
Кірыла Сілівончык. Фота «Радыё Свабода».
Сілівончык працаваў сісадмінам на ваенным заводзе ў Ніжнім Ноўгарадзе. 18 снежня 2014 года яго затрымалі на працоўным месцы і адправілі ў СІЗА. Як адзначае Халіп, за ўвесь час зняволення беларускі консул наведаў Сілівончыка толькі адзін раз.