20-гадовы хлопец загінуў на валцы лесу ў Лідскім раёне
28 снежня ў Лідскім раёне хлопец загінуў падчас валкі лесу. Пра гэта паведамляюць «Прынеманскія весці» са спасылкай на Лідскі РАУС.
У лесе каля вёскі Сямашкі адбывалася валка лесу. У пэўны момант спілаваная сасна ўпала на 20-гадовага хлопца, жыхара вёскі Ходараўцы.
З моцным крывацёкам, траўмай жывата і пашкоджаннем пазваночніка яго даставілі ў рэанімацыйнае аддзяленне мясцовай бальніцы. Аднак выратаваць хлопца не ўдалося.
Абставіны здарэння высвятляюцца.