З-за моцнага снегападу затрымкі ў працы грамадскага транспарту ў Мінску — да 16 хвілін
У Мінску ў сувязі са снегападам парушаная праца грамадскага транспарту, паведамілі ў ГП «Мінсктранс».
Так, у цяперашні час па ўсім горадзе затрымка ў руху аўтобусных і тралейбусных маршрутаў складае да 16 хвілін, трамвайных — 5-7 хвілін.
«Дадатковыя адзінкі транспарту не плануецца выводзіць на лініі - у складаных умовах надвор'я транспарт рухаецца, хоць і з затрымкамі», — адзначылі ў ГП «Мінсктранс».