Смяротнік на грузавіку пратараніў будынак паліцыі ў Егіпце
Смяротнік на грузавіку з выбухоўкай пратараніў прапускны пункт бяспекі каля паліцэйскага ўчастка на поўначы Сіная ў Егіпце, паведамляе Associated Press. Загінулі дзесяць чалавек.
Дзевяць з загінулых былі паліцэйскімі. Яшчэ 22 чалавекі атрымалі раненні.
Атака адбылася ў горадзе эль-Арыш на Сінайскім паўвостраве. Грузавік пратараніў будынак пасля таго, як некалькі баевікоў у масках закідалі паліцэйскіх гранатамі. У трох паверхах будынка паліцыі адбыўся пажар.