Беларус застрэліўся ў Расіі: няўдала пагуляў у «рускую рулетку»
Цела 37-гадовага беларускага грамадзяніна было знойдзена ўвечары ў панядзелак у адным з дамоў вёскі Цімоніна Валакаламскага раёна ў Падмаскоўі, паведамляе тэлеканал РЕН-ТВ.
Паліцэйскія высветлілі, што мужчына ў той вечар прыехаў у госці да свайго знаёмага. Яны выпілі, госць дастаў свой сігнальны рэвальвер, перароблены пад стральбу баявымі патронамі, пасля чаго зрабіў некалькі стрэлаў у столь. Затым мужчына раскруціў барабан зброі і, прапанаваўшы згуляць у «рускую рулетку», зрабіў стрэл сабе ў скронь.
У цяперашні час па дадзеным факце праводзіцца праверка.