Школьніца, якую збіў аўтамабіль пад Гроднам, памерла ў бальніцы
«Ад атрыманых цялесных пашкоджанняў дзяўчынка 29 студзеня памерла ў бальніцы», — гаворыцца ў паведамленні, размешчаным на сайце МУС.
ДТЗ адбылося 16 студзеня ў аграгарадку Азёры Гродзенскага раёна. Пад коламі «Аўдзі» аказалася вучаніца 3-га класа мясцовай школы.
Дзяўчынка не паглядзела па баках і пачала перабягаць дарогу па-за пешаходным пераходам, непадалёк ад школы. Кіроўца «Аўдзі» не паспеў зрэагаваць на сілуэт, які раптам з'явіўся на дарозе.
У ДАІ тады выказалі здагадку, што ўвагу дзяўчынкі прыцягнулі вароты школы, прызначаныя для праезду аўтамабільнага транспарту. Яны былі адкрыты і знаходзіліся бліжэй, чым вароты школы.
Увесь гэты час школьніца была ў рэанімацыі.