Марын Лё Пэн адмовілася ад сустрэчы з муфтыем Лівана, бо яе папрасілі надзець хустку
Кандыдат у прэзідэнты Францыі Марын Лё Пэн адмовілася ад сустрэчы з муфтыем Лівана Шэйхам Абдул Латыфам праз патрабаванне надзець на галаву хустку, перадае lefigaro.fr.
«Можаце перадаць маю павагу муфтыю, але я не буду хаваць сябе», — заявіла Лё Пэн журналістам. У прэс-службе муфтыя сцвярджаюць, што каманду Лё Пэн папярэдзілі аб патрабаванні пакрыць галаву з рэлігійных меркаванняў загадзя.
Марын Лё Пен знаходзіцца з візітам у Ліване з 20 лютага.