Крывушэнка прызначаны в. а. галоўнага трэнера зборнай Беларусі па футболе
АБФФ абвясціла аб прызначэнні галоўнага трэнера «Тарпеда-БелАЗ» Ігара Крывушэнкі на пасаду галоўнага трэнера зборнай Беларусі, паведамляе Tribuna.
Спецыяліст будзе працаваць у якасці выконваючага абавязкі галоўнага трэнера.
«Сёння адбылася сустрэча паміж старшынёй АБФФ Сяргеем Румасам і беларускім трэнерам Ігарам Крывушэнкам. Вынікам размовы стала дамоўленасць аб прызначэнні айчыннага спецыяліста на пасаду галоўнага трэнера нацыянальнай зборнай краіны ў якасці выконваючага абавязкі.
Дакументальна адносіны будуць аформленыя ў бліжэйшыя дні», — гаворыцца ў паведамленні АБФФ.
Раней галоўным трэнерам зборнай Беларусі з'яўляўся Аляксандр Хацкевіч, які пакінуў свой пост у канцы мінулага года.
Сярод кандыдатаў на пасаду трэнера зборнай Беларусі фігуравалі прозвішчы Леаніда Кучука, Мікалая Пісарава, Аляксандра Барадзюка, Віктара Скрыпніка і Валерыя Карпіна.