У Брэсцкім раёне ў ДТЗ пацярпеў 3-гадовы хлопчык, якога мама трымала на руках ФОТА
Аварыя адбылася 3 сакавіка, каля 12.10, на трасе Р16 Цюхінічы — Высокае — мяжа Рэспублікі Польшча.
Як паведамілі ў ДАІ УУС Брэсцкага аблвыканкама, паводле папярэдняй інфармацыі, 43-гадовы кіроўца Volkswagen Jetta ехаў у напрамку вёскі Вялікія Матыкалы і на 5-м кіламетры дарогі сутыкнуўся з аўтобусам ПАЗ, які рухаўся у тым жа накірунку.
У выніку траўмы рознай ступені цяжкасці атрымаў 3-гадовы хлопчык, яго шпіталізавалі. Дзіця ў момант аварыі знаходзілася на руках у маці, якая сядзела на заднім сядзенні.