Навучальны год для старшакласнікаў скароцяць на тыдзень
Навучальны год для старшакласнікаў плануецца зрабіць карацейшым, паведаміў БелТА першы намеснік міністра адукацыі Вадзім Богуш, прадстаўляючы дэпутацкаму корпусу новую рэдакцыю Кодэкса аб адукацыі.
«Што тычыцца працягласці навучальнага года, прапануецца ў 9-х і 11-х класах трохі яго скараціць. Зараз ён прапісаны па 31 мая. Плануецца ўвесці працягласць да 25 мая», — сказаў Вадзім Богуш. Гэта будзе зроблена для таго, каб больш якасна спланаваць выпускныя іспыты ў школе.