Сямёра параненых пасля нападу з сякерай на вакзале Дзюсельдорфа
Па меншай меры сем чалавек атрымалі раненні ў выніку нападу ўзброенага сякерай мужчыны на галоўным вакзале нямецкага горада Дзюсельдорф, паведамляе ВВС.
Паліцыя паведаміла пра затрыманне аднаго падазраванага. Гэта 36-гадовы выхадзец з былой Югаславіі. Паводле заявы паліцыі, у яго праблемы з псіхічным здароўем.
Падрабязнасці аб стане пацярпелых не паведамляюцца, удакладняецца толькі, што іх жыццям нічога не пагражае.
Інцыдэнт адбыўся каля 21:00 па мясцовым часе.
Людзі, якія знаходзіліся ў будынку вакзала былі эвакуяваныя, сам будынак быў зачынены на час высвятлення абставін здарэння.
Паводле даных паліцыі Дзюсельдорфа, матывы нападніка пакуль не высветленыя.