Акцёры тэатра імя Якуба Коласа на магіле Францішка Аляхновіча ў дзень яго нараджэння ФОТА
У дзень народзінаў выдатнага драматурга Францішка Аляхновіча акцёры Акадэмічнага тэатра імя Якуба Коласа з Віцебска наведалі ягоную магілу на могілках Росы ў Вільні.
Аляхновіч быў першым беларускім «масавым драматургам». Ягоныя п'есы «Круці не круці — а трэба памярці», «Чорт і Баба», «Пан міністр» ставяцца да нашых дзён.
Аповесць жа Аляхновіча «У капцюрох ГПУ» — першы твор сусветнай літаратуры, які апісвае жыццё ў сталінскім канцлагеры непасрэдна з погляду арыштанта.