Манарэйкавую дарогу правялі скрозь 19-павярховы будынак ВІДЭА
Метрапалітэн у кітайскім горадзе Чунцын прыцягвае ўвагу турыстаў і фатографаў незвычайным рашэннем, выкарыстаным будаўнікамі адной з яго надземных манарэйкавых ліній. Пры яе правядзенні вырашана было не зносіць і не абыходзіць 19-павярховы будынак, які аказаўся на шляху, а пракласці тунэль наскрозь, піша TJournal са спасылкай на Mirror.
Visual China Group
Шумапрыглушэнне наладжанае такім чынам, што цягнікі не шумяць мацней за посудамыйную машыну. Аднак некаторыя жыхары будынка ўсё ж скардзяцца на пастаянныя мігрэні.
Па словах прадстаўніка гарадскога дэпартамента транспарту, такое рашэнне было прынята з-за густой забудовы і перанаселенасці горада, якая зрабіла будаўніцтва дарог і чыгуначных ліній сур'ёзнай праблемай. Паводле розных даных, у горадзе пражывае ад 28 да 40 мільёнаў чалавек.