Даражэюць некаторыя паштовыя паслугі
У Беларусі даражэюць некаторыя паслугі паштовай сувязі. Гэта прадугледжана пастановай МАРГ №19 ад 10 сакавіка 2017 года, якая апублікавана сёння на Нацыянальным прававым інтэрнэт-партале.
Так, павышаюцца некаторыя фіксаваныя тарыфы на паслугі паштовай сувязі агульнага карыстання для фізічных асоб. З Br0,36 да Br0,42 вырасце кошт перасылкі па Беларусі лістоў або бандэроляў вагой да 20 г, паштовай карткі.
Аналагічныя паслугі для ІП і юрасоб падаражэюць з Br0,3 да Br0,35.
Пастанова ўступае ў сілу праз 5 дзён пасля яе афіцыйнага апублікавання.