Цэны на кватэры ў Мінску зноў абнавілі дзесяцігадовы мінімум — ужо $1161
Сярэдняя цана прапановы на другасным рынку жылля працягвае зніжацца. Паводле дадзеных партала Realt.by, яна апусцілася да $1161 за м2. На працягу двух апошніх тыдняў цана падае на $5.
Такім чынам, працягвае абнаўляцца дзесяцігадовы мінімум цэнаў. Папярэдні раз такой таннай сталічная нерухомасць была ў лістападзе 2006 года.
Пры гэтым колькасць кватэр, выстаўленых на продаж, працягвае расці, што, у сваю чаргу, можа прывесці да далейшага зніжэння.
У абласных цэнтрах кватэры прадаюць па наступных цэнах:
- Брэст (па $695)
- Гродна (па $693)
- Магілёў ($580)
- Гомель ($578)
- Віцебск ($554)