У Беларусі даражэе бензін — чацвёрты раз на 1 капейку
Пра гэта TUT.BY паведаміла крыніца.
У Беларусі чацвёрты раз за 2017 год даражэе паліва. У ноч на 8 красавіка кошты зноў зменяцца на адну капейку.
Пасля поўначы цэны на запраўках будуць выглядаць так: АІ-95 — 1 рубель 23 капейкі, АІ-92 — 1 рубель 15 капеек, ДТ — 1 рубель 27 капеек.
Зрэшты, прэс-сакратар канцэрна «Белнафтахім» Марына Касцючэнка інфармацыю пра падаражанне не пацьвердзіла, але і не абвергла.
— Пра тое, што паліва падаражэе загадзя мы не паведамляем у сувязі з нашай інфармацыйнай палітыкай, — адзначыла прэс-сакратар.