На чыгуначным вакзале ў Мінску актывізаваліся валютчыкі
Не мог нават уявіць, хто сустрэне мяне каля абменнікаў на чыгуначным вакзале Мінска. Валютчыкі!
Ілюстрацыйны здымак. Фота Ірыны Арахоўскай.
Два мужчыны узростам каля 40 гадоў. «Рабяты, даляры-рублі, харошы курс», — сустракаюць яны пасажыраў на трэцім паверсе вакзала паміж абменнікамі МТБанка і «БПС-Сбербанка». Адзін называе другога «Віця». Паводзяць сябе разняволена, не адчуваючы ніякай небяспекі.
Сэнсу карыстацца іх паслугамі ніякага — курс такі ж, як у банку, а рызыка вялікая. «Ці не страшна вам?», — пытаюся. «Дык і ў банку страшна мяняць», — смяюцца яны ў адказ.
Мяркуючы па тым, што праз некалькі дзён яны сустрэлі мяне на вакзале з такім самым пытаннем, «працуюць» яны пастаянна. А міліцыі няма да іх ніякай справы… Канечне ж, да гарадавога яны і пальцам не дакрануліся!