Кур’ёзнае ДТЗ у Ваўкавыску
Кіроўцу скутэра ў нос патрапіла аса.
У Ваўкавыску малады мужчына ехаў на скутэры. У нейкі момант у нос яму патрапіла аса. Небарака страціў кантроль за кіраваньнем і выехаў на сустрэчную паласу і ледзь не патрапіў пад колы легкавіка. На яго шчасьце, кіроўца аўто своечасова зрэагаваў і зьехаў на ходнікі. «Хуткая дапамога» канстатавала ў пацярпелага анафіляктычны шок.