Выстава адкрылася 08.08-га роўна ў 08:08:08
Незвычайна фармалісцкі праект рэалізаваны ў Мастацкім музэі Беларусі.
Уладзімер Пракапцоў
Незвычайна фармалісцкі праект рэалізаваны ў Мастацкім музэі Беларусі. 8 жніўня ў 8 гадзін раніцы 8 хвілін і 8 сэкунд тут адкрылася пэрсанальная выстава дырэктара музэю Ўладзімера Пракапцова.
На ёй прэзэнтаваныя 8 найлепшых карцін, напісаных за апошнія 8 гадоў. І дэманстравацца яны будуць толькі 8 дзён.
Гэтая лічба была абраная не выпадкова: Уладзімер Пракапцоў нарадзіўся 8 жніўня. Сёлетні вэрнісаж прысьвечаны 55-годзьдзю майстра.