Напярэдадні акцыі 1 мая ў Гомелі «за лаянку» затрыманы журналіст Яўген Меркіс
У Навабеліцкім раёне Гомля міліцыянты 30 красавіка затрымалі журналіста-фрылансера Яўгена Меркіса, абвінаваціўшы ў лаянцы.
Яго даставілі ў мясцовы РАУС. Пра сваё затрыманьне Яўген Меркіс пасьпеў даслаць сябрам SMS.
Калегі мяркуюць, што гэта было прэвэнтыўнае затрыманьне, каб Яўген ня змог 1 траўня весьці жывую трансьляцыю з мітынгу, які зьбіраюцца праводзіць у Гомелі дэмакратычныя актывісты.
Мітынг дазволены гарвыканкамам на пляцоўцы каля ДК таварыства глухіх «Віпра».
Сёлета за стрым акцыяў пратэсту «недармаедаў» у Рагачове, Магілёве і Пінску Меркіса аштрафавалі на 70 базавых велічыняў. Два дні таму Яўген вёў анлайн-трансляцыю выхаду на волю з ізалятару гомельскага блогера Максіма Філіповіча.