У мінскім метро пасажыр скочыў на рэйкі і ўцёк у тунэль
Рух на Аўтазаводскай лініі метро ў Менску быў часова прыпынены, паведамляецца ў афіцыйным твітары метрапалітэна.
Затрымка склала каля 13 хвілін, рух быў адноўлены ў 18.25.
Пазней з'явілася паведамленне, што цягнікі спыняліся з-за пранікнення ў тунэль пабочнай асобы.
«На станцыі метро «Партызанская» малады чалавек саскочыў на шляхі. Затрыманы работнікамі метрапалітэна ў тунэлі. Асоба парушальніка высвятляецца. Прычыны, якія падштурхнулі маладога чалавека на абсалютна вар'яцкі ўчынак, таксама высвятляюць супрацоўнікі міліцыі», — паведамілі ў метрапалітэне.