Лукашэнка наведае сёння адну са школ Мінска
Аляксандр Лукашэнка напярэдадні завяршэння навучальнага года наведае адну са школ у Мінску.
Кіраўнік дзяржавы азнаёміцца з развіццём сістэмы агульнай сярэдняй адукацыі, наведае выставу дасягненняў дзіцячага і моладзевага руху «Лідарскія арыенціры - формула поспеху».
На базе навучальнай установы пройдзе сустрэча Аляксандра Лукашэнкі з навучэнцамі пад назвай «Моладзь. Погляд у будучыню». Школьнікі ў нефармальнай атмасферы змогуць пагутарыць з кіраўніком краіны, задаць пытанні, выказаць погляды на розныя тэмы.
Усяго на сустрэчу з кіраўніком дзяржавы запрошаныя 300 чалавек са сталіцы і розных рэгіёнаў Беларусі.
У якасці месца правядзення мерапрыемства выбрана сярэдняя школа № 61 (раён Маяк Мінска).