У Буда-Кашалёве пасля фізкультуры памёр 18-гадовы навучэнец каледжа
У інтэрнаце аграрна-тэхнічнага каледжа Буда-Кашалёва памёр 18-гадовы студэнт, паведамляе раённая газета «Авангард».
Пасля заняткаў фізкультуры ён накіраваўся да сябе ў пакой, дзе нібыта абліўся халоднай вадой — гарачая была адключаная. Ад гэтага спынілася сэрца.
Равеснікі выклікалі хуткую дапамогу, але медыкі не паспелі рэанімаваць хлопца.
Як патлумачылі ў раённым аддзеле Следчага камітэта, у хлопца былі праблемы з сэрцам, але супрацьпаказанняў да заняткаў фізічнай культурай не было.