У праваслаўных пачаўся Спленскі пост
У праваслаўных вернікаў пачаўся двухтыднёвы успенскі пост, які завершыцца 27 жніўня напярэдадні свята Сплення Найсвяцейшай Багародзіцы.
Першы дзень посту прыпадае на Мядовы Спас, калі ў храмах асвячаецца мёд. Традыцыя захоўваць успенскі пост, які з’яўляецца часам падрыхтоўкі да урачыстасці Сплення Насвяцейшай Багародзіцы, з’явілася яшчэ ў старажытнасці. У 1166 г. было прынята рашэнне, што ён будзе працягвацца два тыдні.
Пост — гэта не толькі абмежаванне ў харчаванні. Ён таксама заключаецца ў тым, каб праз адрачэнне ад добрага навучыцца ўстрымлівацца ад дрэннага, каб у жыцці чалавека ўсё больш было месца для Бога і іншых людзей.