Вярхоўны суд змякчыў на адзін год прысуд галоўнаму фігуранту «справы 17»
Вярхоўны суд змякчыў прысуд галоўнаму фігуранту «справы 17» Канстанціну Вілюгу: ён правядзе 19 гадоў у калоніі ўзмоцненага рэжыму.
У снежні 2016 года Мінскі гарадскі суд прысудзіў Вілюгу да 20 гадоў пазбаўлення волі з адбываннем пакарання ў калоніі ўзмоцненага рэжыму.
Члены злачыннай супольнасці працяглы час займаліся распаўсюджваннем псіхатропаў пад выглядам курыльных сумесяў і міксаў. Пры гэтым тавар для рэалізацыі набываўся ў Расіі. Зламыснікі старанна канспіравалі сваю злачынную дзейнасць, планавалі не толькі спосабы транспарціроўкі тавару, але нават арганізацыю фізічнай і тэхнічнай бяспекі.