У Рыме ўвялі штрафы да 240 еўра за купанне ў гістарычных фантанах
Улады Рыма ўвялі забарону на купанне ў гістарычных фантанах горада, а таксама забаранілі прымаць каля фантанаў ежу, паведамляюць інфармагенцтвы.
АР
Мэр горада Вірджынія Раджы падпісала дакумент, згодна з якім за парушэнне забароны будуць пагражаць штрафы да 240 еўра.
У спіс месцаў, на якія распаўсюджваецца дзеянне дакумента, трапілі 40 найбольш папулярных водных збудаванняў Рыма, у тым ліку фантан Трэві і фантан Чатырох рэк на пьяца Навона.
Новыя правілы будуць дзейнічаць да канца кастрычніка. Яны прынятыя з мэтай зберагчы гістарычную і археалагічную спадчыну Рыма.