Віцэ-прэм'ер Мацюшэўскі распавёў, як дасягнуць заробку 1000 рублёў
Першы намеснік прэм'ер-міністра Васіль Мацюшэўскі на сумесным пасяджэнні дзвюх палат парламента распавёў, за кошт чаго можна забяспечыць у Беларусі зарплату 1 тыс. рублёў.
«Забяспечыць такі ўзровень сярэднямесячнай заработнай платы магчыма ў рэальным сектары — за кошт павышэння агульнай эфектыўнасці гаспадарання, зніжэння запасаў прадукцыі на складах, аптымізацыі функцый і колькасці работнікаў пры забеспячэнні высокіх тэмпаў росту прадукцыйнасці працы», — заўважыў ён.