«Інвітра» спыніла прыём аналізаў з-за віруса-вымагальніка. У тым ліку і ў Беларусі
Лабараторыя «Інвітра» прыпыніла прыём аналізаў у сваіх цэнтрах у Расіі, Казахстане і Беларусі з-за кібератакі, паведамляецца на сайце кампаніі.
«Біяматэрыял, атрыманы ў перыяд тэхнічнага збою, захаваны з датрыманнем усіх прэаналітычных патрабаванняў і будзе апрацаваны», - гаворыцца ў заяве.
Кампанія робіць усё магчымае для ліквідацыі шкоды, нанесенай кібератакай, і вяртання да штатнага рэжыму працы.
Персанальныя дадзеныя кліентаў, падкрэслілі ў «Інвітра», не пацярпелі.