Газавы балон узарваўся ў Смаргонскім раёне: цяжкія траўмы атрымалі трое малых і жанчына
Паведамленне аб здарэнні выратавальнікі атрымалі 10 ліпеня ў 18.20. Трое маленькіх дзяцей і жанчына атрымалі апёкі рознай ступені цяжкасці, піша Tut.by са спасылкай на прэс-службу МНС.
Газавы балон аб'ёмам 25 літраў выбухнуў падчас адпачынку кампаніі на беразе возера каля вёскі Белая Смаргонскага раёна.
Апёкі атрымалі 29-гадовая жанчына, яе 6-гадовы сын і дзве дзяўчынкі трох і пяці гадоў.
Стан пацярпелых ацэньваецца як цяжкі. Прычына выбуху выяўляецца.