Беларуска пацярпела ў ДТЗ у Эгіпце
У нядзелю ў Эгіпце разьбіўся турыстычны аўтобус, у якім знаходзіліся чацвёра грамадзян Беларусі, што адпачывалі на курорце Таба.
Аўтобус, які ехаў у Каір, сутыкнуўся ў грузавіком на хуткаснай аўтатрасе прыкладна за 70 кіламетраў ад егіпецкай сталіцы.
Турыстка з Беларусі атрымала сур'ёзныя траўмы і была дастаўлена ў адзін з каірскіх шпіталяў. Разам з ёй ў бальніцу адправіліся яе муж і сын, якія таксама ехалі ў гэтым аўтобусе і падчас ДТЗ не пацярпелі.
У беларускі зламаны ногі і ёсць пашкоджанні ў вобласці галавы. Стан жанчыны медыкі ацэньваюць як "стабільны, ён не выклікае апасенняў".
Як паведамілі ў пасольстве, у шпіталі ў Каіры знаходзіцца беларускі консул, які аказвае пацярпелай неабходнае садзеянне.
Яшчэ адна беларуска падчас ДТЗ абышлася лёгкімі пашкоджаннямі. Ёй аказалі дапамогу на месцы здарэння і даставілі ў гатэль. Таксама лёгкія траўмы атрымалі некалькі расіян.
Аварыі турыстычных аўтобусаў у Эгіпце – звычайная рэч