Выпусцілі першы беларускі спінер. Ён квадратны і драўляны ФОТАФАКТ
Майстры з Пінска, якія робяць 3D-пазлы пад брэндам Eco-Wood-Art, зрабілі першы беларускі эка-спінер.
Айчынны аналаг папулярнай цацкі называецца «твістар». Ад арыгінала ён адрозніваецца формай, матэрыялам вырабу і працягласцю кручэння — наш хутчэй спыняецца. Затое больш экалагічны і бяспечны, сцвярджаюць вытворцы.
«Вонкава ён вельмі нагадвае спінер, але наш прадукт зроблены без падшыпнікаў і таму круціцца максімум пару секунд, пры гэтым ён больш экалагічны — ніякага пластыку і жалеза — і бестраўматычны. Ён, хутчэй, выконвае функцыю ружанца. Мы яго яшчэ клічам «Антыстрэс», — паведамілі tut.by на прадпрыемстве.