Пачынаецца новы сезон «Гульні тронаў»
Першая серыя сёмага сезону «Гульні тронаў» выходзіць у нядзелю, 16 ліпеня.
Фота pogd.es
Гэты сезон складзецца з 7 эпізодаў і стане экранізацыяй чарнавога варыянту другой паловы раману «Вятры зімы», які пісьменнік Джордж Марцін не паспеў завяршыць да напісання сцэнарыя, піша «Еўрарадыё».
З трэйлераў, якія выйшлі перад прэм’ерай новага сезону, вынікае, што Дайнерыс апынецца на Драконавым камяні, Ар’я вернецца на Поўнач, а Сэрсэя будзе змагацца са сваімі ворагамі.
Дарэчы, з нагоды выхаду новага сезона «Гульні тронаў» у дадатку па вывучэнні замежных моваў Duolingo з’явіцца курс высокай валірыйскай мовы — менавіта на ёй размаўляе Дайнэрыс Таргарыен.