У Гомелі дачка забіла маці, а цела схавала ў шафе
У Гомелі расследуюць справу аб забойстве 45-гадовай жанчыны. Падазраваная — яе дачка.
Цела знайшлі 10 ліпеня ў кватэры, дзе загінулая жыла разам з дачкой і маленькім унукам. Неўзабаве затрымалі і 25-гадовую дачку разам з яе 26-гадовым сябрам.
«Папярэдне высветлена, што забойства адбылося ў ноч на 8 ліпеня. Цела забітай падазраваныя схавалі на балконе ў шафе. Па версіі следства, асноўны матыў здзяйснення злачынства — асабістыя непрыязныя адносіны», — паведамляюць следчыя.