Трансляцыі селектарнай нарады з удзелам Лукашэнкі па тэлебачанні не будзе
2 жніўня кіраўнік Беларусі Аляксандр Лукашэнка правядзе селектарную нараду па пытанні ўборкі ўраджаю ў 2017 годзе. Пра стан спраў у рэгіёнах па жывой сувязі паведамяць іх кіраўнікі.
Як паведамілі «НН» у прэс-службе Белтэлерадыёкампаніі трансляцыі селектарнай нарады па каналах тэлебачання і радыё сёлета не плануецца.
Апошні раз Аляксандр Лукашэнка праводзіў селектарную нараду ў 2012 годзе. Раней такія мерапрыемствы абавязкова трансляваліся па тэлебачанні.