У Мінску шукаюць мужчыну, які ўзяў у абменніку лішнія 900 рублёў ФОТА
У Цэнтральнае РУУС Мінска звярнуліся супрацоўнікі аднаго з банкаў з просьбай дапамагчы высветліць асобу невядомага мужчыны, якому падчас абмену валюты памылкова выдалі болей грошай, чым неабходна. Пра гэта паведамляе сайт ГУУС Мінгарвыканкама.
Інцыдэнт адбыўся ў канцы чэрвеня. Мужчына падышоў да акенца касіра і перадаў яму буйную суму ў замежнай валюце, каб абмяняць іх на рублі. Касір выдаў кліенту на 900 рублёў больш пакладзенай сумы. Мужчына забраў грошы і сышоў.