У Крычаўскім раёне прычэп, што адарваўся ад МАЗа, забіў раварыста
У Крычаўскім раёне 24 жніўня раварыста забіла прычэпам грузавіка. Пра гэта паведамяе прэс-служба МУС.
Паводле папярэдняй інфармацыі, МАЗ ехаў каля вёскі Чырвоная Буда, калі ў 17.30 ад яго адарваўся прычэп. Ён вылецеў на абочыну і здзейсніў наезд на 66-гадовага мясцовага жыхара, які ехаў на ровары.
У выніку ДТЗ раварыст ад атрыманых траўмаў памёр на месцы здарэння.