Цела беларускага архітэктара са стрыжнем у галаве знойдзена ў Маскве
Грамадзянін Беларусі знойдзены мёртвым на паўднёвым захадзе расійскай сталіцы, перадаюць расійскія СМІ са спасылкай на праваахоўныя органы Масквы.
Паведамляецца, што мужчына 1979 года, ураджэнец Беларусі, працаваў у Маскве архітэктарам і пражываў у мікрараёне Ясенева.
Цела беларуса знайшоў яго знаёмы. Паводле інфармацыі СМІ, мужчына ляжаў на падлозе, з яго галавы тырчаў металічны стрыжань.
Пакуль няма інфармацыі аб тым, ці быў гэта няшчасны выпадак ці забойства. Праваахоўныя органы расійскай сталіцы праводзяць праверку па гэтым факце, абставіны смерці высвятляюцца.