Мікола Статкевіч выйшаў на волю
Фота з фэйсбука Марыны Адамовіч
Мікола Статкевіч выйшаў на волю пасля 5 сутак арышту. Пра гэта паведаміла ў сваім фэйсбуку яго жонка Марына Адамовіч.
Мікола Статкевіч быў затрыманы ў суботу 26 жніўня.
Першапачаткова паведамлялася, што ён павінен адсядзець 15 сутак за акцыю на Кастрычніцкай плошчы Мінска супраць сумесных вучэнняў, што прайшла 3 ліпеня. Суд па справе прайшоў у адсутнасць палітыка.
Затым стала вядома, што Статкевіч павінен адсядзець яшчэ 5 сутак за акцыю 30 сакавіка: тады 7 чалавек на чале з палітыкам каля ізалятара на Акрэсціна разгарнулі і трымалі цягам хвіліны бел-чырвона-белы сцяг у знак салідарнасці з затрыманымі 25 сакавіка.