На Камароўцы за кубачак ажынаклубніц просяць 10 рублёў
Выглядаюць цікавыя ягады смачна, але ж і каштуюць нямала.
Гэта плады маліны ружалістай, хутчэй падобныя да калючых клубніц. Калючак на кустах настолькі многа, прычым яны змяшчаюцца нават побач з пладамі, што збіраць такія маліны зусім няпроста.
У Беларусь незвычайны від маліны трапіў праз Балтыю.
Ягада спее ад ліпеня і да маразоў. Хіба найбольшы ўраджай збіраюць у жніўні, калі познія гатункі маліны ўжо адыходзяць.