Афіцыйныя прафсаюзы прызналі Краіну Баскаў
Пакуль беларускія ўлады перад дылемай наконт прызнаньня Асеціі і Абхазіі, афіцыйныя прафсаюзы палічылі асобнай дзяржавай Краіну Баскаў.
Цікавы выпадак здарыўся з фэдэрацыяй прафсаюзаў Беларусі.
На гэтым тыдні Менск наведала дэлегацыя Эўрапейскага рэгіянальнага бюро Сусьветнай фэдэрацыі прафсаюзаў. Пералічваючы краіны, прадстаўнікі якіх увайшлі ў склад дэлегацыі, сайт ФПБ назваў Кіпр, Аўстрыі, Гішпанію і … Краіну Баскаў.
Краіна Баскаў змагаецца за незалежнасьць ад Гішпаніі, часам ужываючы тэрарыстычныя мэтады.
Атрымліваецца, што ФПБ першай у сьвеце прызнала незалежнасьць Краіны Баскаў, якая нават тую незалежнасьць не абвяшчала.